"Katta yeyish" maqsadida "kichik yeyayotganlar"


  • Kelar inson asli "yemoq" uchun bu dunyoga.Gar bo'lmasa qul bo'larmidi "nafs" degan baloga!?!

       Azaldan tillarda doston bo'lgan savol - "Yashash uchun yeysanmi? Yeyish uchun yashaysanmi?". Shu savolni eshitsam, qulog'im ostida yana bir shunga oxshash savol yangraydi - "Birinchi tuxum paydo bo'lganmi, yo tovuq?". Bu savolni "biologshunos" faylasuflarga qoyib beraylikda, yuqoridagi savolga o'taylik. Keling bugun shu savolga javob izlasak . . . aniqrog'i, men sizlarga shu savolni o'z fikrim bilan javoblasam.

Savolga tub mohiyatan emas, reallikdan sal yiroqlagan holda fikrlab, ma'joziy yondashsak. Bu savolda "yeyish" ni faqat asl holda - qorin to'yg'azish emas, ruhiy muxtojlikni qondirish ma'nosida ham qaraylik(aslida ham shunday darajada berilgan savol). 

" -Sherzod! Sen bu dunyoda yashash uchun yeysanmi, yoki yeyish uchun yashaysanmi?
-Men bu dunyoda yeyish uchun yashayman." 
Ha mening javobim shunaqa.  Hayron bo'lmang. Siz ham shunaqasiz, aslida! "Yo'q, men yashash uchun yeyman" deb e'tiroz bildirayotgandirsiz?!. Bu o'zingizni ovutish va vijdonli ko'rsatish.  
  Dunyoga kelibmizki, ota-onalarimiz bizni ko'z qorachig'idek asrashga urinishadi va buni uddalashadi. Chunki ular otamiz, onamiz. Orzular bilan tarbiyalashadi. "Katta odam" bo'lsin deb niyatlar qiladi. "Katta odam" deganda o'sib ulg'ayib, yaxshi joylarda o'qib, katta joylarda ishlashni nazarda tutsa kerak-da. Mana shu ondayoq ota-onalarimiz tomonidan yeyish uchun yashash "tamoyili" bizning miyamizga singdirib borilmasmikan?! 
Sir emas - biz o'qib, katta joyda ishlab, yoki biznes qilib "katta yeyish" ga "katta kiyish" ga(ba'zida katta gapirishga ham) harakat qilamiz. Dang'illama uylar qurish hayollarida yuramiz(ba'zi Robinzo Kruzosifatlarni hisobga olmaganda). To'g'ri - bular turmush tarzini yaxshilash uchun qilinadigan sayharakatlar, bunga e'tiroz yo'q! Lekin ba'zilarning, shu narsalarga erishish yo'lida umrlari o'tib ketadi. Bu yeyish uchun yashashmasmi, sizningcha?!
Aslida, bizning hayot tarzimizni yaxshilash yo'lidagi harakatlarimiz - "yeyish uchun yashash" dek tuyulmayaptimi sizga?! Hayot qaynagan ko'cha-ko'ydagi odamlarning uyog'dan buyoqqa sargardon yurishlari, o'sha farzandlarini, o'zini qornini to'yg'azish maqsadida yurganlarning  hayoti "yemoq uchun yashash" qonuniga mos kelmayaptimi, sizning nazdizda?! 
  Men hech ikkilanmay buni tasdiqlardim - insonlar yeyish uchun yashamoqda!

Ha insonlar "katta" yeyish uchun "kichik" yeb yuribdilar. Qiziq, umr o'tgandan keyin katta yeyishni kimga qizig'i bor ekan? Dono, bolajon xalqim bu savolga ham javob topishadi - "-Bizga nasb qilmasa, bolalarimiz rohatini ko'rsin!" Vaqt, umr o'tmoqda, o'zingiz uchun ham yashang, azizlar!

                                              

Комментарии

Отправить комментарий

Популярные сообщения из этого блога

Ko'ngil daftari: Sizning yomg'iringiz bormi?

Изображение
Kuz - yomg'irlar fasli. Yomg'ir - bulutlar bilan bizni g'oibona bog'lovchi "vosita". Ko'chada sharros yomg'ir. Odamlar uyog'dan-buyoqqa shoshilgancha yugurar, o'zini tushunmay, sarosar kezar. Yomg'irda pana joy izlar. Kimdir bekatda o'tirib hayolga cho'mgan. Yana kimdir, bekat panasida tik oyog'da, uyog'dan-buyoqqa yurganicha avtobuz kutmoqda. Yana kimningdir yuzida sabrsizlik, yomg'ir tinishini kutmoqda. Kimlardir yomg'irdan noroziligicha uyini o'ylar. Men esa xursandman! O'sha kutgan "yomg'irim" yog'di! Ko'chada, soyabonsiz, yengil kiyimda osmonga tikilaman - osmon o'sha bir xil rangda. Bulutlar bir-biriga birlashib mening soyabonimni hosil qilgan. Mening soyabonim barchanikidan keng. Butun osmonni egallagan! Osmonga tikilar ekanman, yomg'ir ko'z ochirgani qoymas. Boshimga tushgan yomg'ir sochimni shalabbo qilgan. Endi sochimdan pastga oqqan yomg...
Davomi

Abituriyentlikdan talabalik sari, yohud, "kumush" davrning "oltin" davrga aylanishi.

Изображение
Hozirgi kunda ba'zi yoshlar va ayrim katta yoshli kishilar ham o'qishga kirish, oliy ma'lumotli bo'lish uchun o'zini(aniqrog'i - cho'ntagini) ayamasdan har qanday usullar qo'llamoqda. Ertaga qanday kasb egasi bo'lishning qizig'i yo'q-dek, go'yo  -  "- Oliy bo'lsam bo'ldi" qabilida ish tutish ommaviy tus olmoqda. Bu yo'lda "taktikalar" o'ylab topadigan "puldor abituriyentlar" ni aytmaysizmi. Nima emish: "- O'qib nima qilasan? Ana falonchi ona qornidan kitob bilan tushganday, boshini ko'tarmay o'qirdi. Hali ham kirolmadi. O'qib nima qilasan . . . puling bormi? "tangkang" bormi? kirasan" - kirasan! Kirib qayergachayam borasan?! Nari borsa diplomingni qo'lingga olarsan, o'zing emas, o'sha "tangkang" orqali.  Bir paytlar o'zbek kinosi bo'lar edi -  "Tank" degan, Shu deyman bu "Tank" taktikasi o'...
Davomi

Hayot falsafasi.

Изображение
   Hayot - bu tushuncha haqida ba'zida nima yozish-u, nimani yozmaslikka ham ikkilanib qolasan, kishi! Millionlab insonlar tomonidan ta'riflashga arzirmikan, bu tushuncha? Yoki, biz bu jumlani ta'riflashga loyiqmizmi? Bilmadim . . . Bilganim shuki - hozirgacha davom etayotgan ta'riflar, barcha-barchasi tahminiy, hayoliy gaplar. Hamma o'z bilganicha, o'z dunyo qarashi doirasida ta'riflashga harakat qiladi. Yozilganlarning mazmuni xalqchil bo'lsa to'g'ri tushuncha sifatida qabul qilinib, yillar davomida bu satrlarni qadrlanib, ommaga uqtirib kelinadi. Agarda hayot haqidagi ta'rif noodatiy tarzda ifodalangan bo'lsa bu satrlar axlatga uloqtiriladi. Eng achinarlisi muallifni ahmoqqa chiqarishadi. Nega? Chunki inson noma'lumlikdan hayiqadi. U yerda o'zini himoyasiz sezadi. Uning uchun eng yaxshi himoya - mavhumlikdan uzoqlashish. Natijada, noodatiy, aqli yetmagan fikrlar qoralanib, aql doirasi darajasidagi gaplar ma'qullanad...
Davomi